ಪಾರಿವಾಳಗಳು ರೆಕ್ಕೆ ಬಿಚ್ಚಿಕೊಳ್ಳುತ್ತಿವೆ

ಅವಳ ಕಣ್ಣುಗಳಲ್ಲಿ

ದಿನದಿಂದ ದಿನಕ್ಕೆ

ಪ್ರೀತಿಯ ಕುಸುಮಗಳು

ದಟ್ಟವಾಗಿ ಅರಳಿಕೊಳ್ಳುತ್ತಿವೆ.

ಅವನ ಸ್ವಪ್ನದಂತಹ ದಿನಗಳು

ಸಾಕಾರಗೊಳ್ಳುತ್ತಿದೆ ಅವಳೆದೆಯಲ್ಲಿ

ಚಿಗುರುತ್ತಿರುವ ಕನಸುಗಳಲ್ಲಿ.

ಅವನೀಗ ಈ ಮಳೆಯ ನಡುವೆಯೂ

ಮಳೆ ತಂತಿಯೊಂದನ್ನು ಸಂಗೀತಕ್ಕಾಗಿ

ಹಿತವಾಗಿ ಮೀಟುತ್ತಿದ್ದಾನೆ.

ರಾಗಕ್ಕೆ ಶ್ರುತಿ ಹಿಡಿದಿದ್ದಾನೆ.

ಅದೋ ಅಲ್ಲಿ -

ಪಾರಿವಾಳಗಳು ರೆಕ್ಕೆ ಬಿಚ್ಚಿಕೊಳ್ಳುತ್ತಿವೆ

ಅಲ್ಲವರು ಪಾರಿವಾಳವನ್ನು ಹಾಗೆ

ಬಿಟ್ಟಿರಬೇಕು ಅಥವಾ

ಕ್ಷಣ ಕಾಲಕ್ಕೆ ಶಾಂತಿ ಸ್ಥಿರವಾಗಿರಬೇಕು